ماذا يوجد في سدة كل سياره

هذا الموضوع ناقلنه من واحد من المنتديات عجبني وحبيت اعرف كل واحد شو حاط في سدة سيارته


اولا... نبدا بالسيارات الفخمة....

1- بودمعة... بتحصلون داخل اي سيارة بودمعة هالاشياء
....بطاقات دعوة حق حفلات او اعراس..... غطاء ساعة رولكس.... تذكرة سفر... بطاقات ائتمان... دهن عود...قلم ماركة جيفينشي او ماشابه... خمس امية مفرورة بس جيه فلوس زايدة... وهالسوالف..

2-نيسان بترول... بتحصلون فالنيسان الاشياء التالية.... شرايط بالروغة وميحد حمد وخالد عبدالرحمن.... بوك جديم... صور طيور... قلم حبر مال بوريال ونص مكسور... ساعة كاسيو منقص سيرها... عطر مال بو عشرين... سوبر جلو... ولاعة ومدواخ...

3-مكسيما... اول شي بتحصلونه... قرآن صغير والا كيسة ملح ... العيوز مسكينة خايفة على ولدها ومسوية له حروز...
شرايط احلام... ديانا حداد نوال عبدالكريم... محمد عبده..... صور اليهال واخوانه.... دعاية حق مطعم والا كافتريا... (مساكين منو بيطبخ لهم هناك)... كلنكس ادنوك... عطر ماركة دنهل او دكني والا بوس.....بطاقة خصم مال المندوس... تذكرة مال سينما جلف....

4-موستنج شتري.... عاد الموستنج الشتري اكيييييييييد بتحصولن فيها هالاشياء... اول شي مشط.. الحبيب كاشف الموتر ولازم يكون شعره مرتب... شرايط ايمينم ومايكل جاكسون...ريكي مارتن ...بريتني سبيرز.... اوراق مكتوب فيها رقم تلفونه(حق الترقيم)...باروكة... تذكرة سينما جراند والا سيني ستار.... تذكرة حق بانكوك... لبان اكسترا... خمس تلفونات مفرورة... صور بنات..

5- مازدا.... اكثر الي ياخذونها مطاوعة.. اكيد بتحصل.. اشرطة الشيخ عبدالرحمن السديس.... الشيخ عبدالباسط.... العوضي... قرآن كريم... ادعية واذكار... اناشيد اسلامية حق اليهال...مسباح... مسواك... شريط اغاني مكسور(مال حد من اخوانه).. اوراق مال الهلال الاحمر....كفالة الايتام...

6-جيتي طابوقة... ما بتحصلون الا سكروب وبس... لانه السدة مكسورة..

7-اما الجيتي اس والجيتي آر بتحصل فيه الاشياء التالية...
لزقة... ستكر مال Hks... مفتاح سبير... مخالفة(القيادة بطيش وتهور+السير عكس الاتجاه+السرعة الزائدة+ تغيير جوهري في شكل المركبة+مخفي زيادة+ دبة صوت+ رادارات+ دهس بنقالي والفرار.... وهالسوالف .... مخالفات في مخالفات).... وبتحصلون بعد شرايط بوب مارلي وشان بول..50cent.... خالد عبدالرحمن وعلي بحر.... بتحصلون سكين... سبحان الله استوت ضرابة... عادي تحصلون حشيش....هههههه.. ويعني هالسوالف....عشان جيه الجيتي مشبوه.. والشرطة ما يصدقون جيتي يخطف جدامهم...على طول...طييو ويييو طيييو ويييو... طاااط طاااط..... فول ليت...



8-سيارة الاسعاف... بتحصلون فالسدة مال الاسعاف مقص شي طبيعي... ضمادات... شرايط منوعات.... يوم ماشي شغلة الحبيب يسمع اغاني.... دفتر مال البترول... سماعة طبية... عادي تحصلون راس آدمي... وهالسوالف....

9-تريلا... اول شي بتحصلونه كيسة نسوار... او بان...( بانبراغ)..... اممممممممم اكيد بتحصلون ورقة مخالفة.... تجاوز غير مصرح به...
ومخالفة ثانية بعد... القيادة تحت تاثير المشروبات الكحولية....... بتحصلون بعد صورة (باجوان) مالهم... عاد السيك تارسين الدنيا....
اكياس مال لبتون... ولا ننسى اهم شي طبعا........ صور بشاكير..


يالله عاد الحين الدور عليكم... كل واحد يعترف شو حاط في سدة موترة ...!!

مشاء الله تبارك الله يانيوتن

بهذا القسم انت شعله من النشاط

ع القوه ياغالي

مشكور اخوي يعطيك العافيه

مشكووووووووووووووور اخوي تقبل مروووووري بارك الله فيك

مشكووووور وربي شعله ناااريه اهنيك يا نيوتن
والى الامااام ....

مشكووووووووووووووووور تقبل مروري