يانجم تكفى..!

بسم الله الرحمن الرحيم ..



يانجم ياللي فـي ظـلام الليـل تكفـى لاتغيـب

أبهتدي بـك فـي دروب تهـت فـي ظلماتهـا

تكفى ترى تكفى لها بسلومنـا معنـى عجيـب

تشهـر صناديـد الرجـال وتنعـرف وقفاتهـا

مشيت لي درب يخيف ويسلكـه خلـق غريـب

خلك معي لين الوجيـه تبيـن لـي قسماتهـا

لين أعرف إللي ماقفه جنبي وأعرف من الحريب

وأقيـس خطواتـي وحسبهـا قبـل عثراتـهـا

لقيت لي خلق عجيـب يخلـف العقـل اللبيـب

يعيـش دنيـا زايلـه غرقـان فـي لذاتـهـا

أشوف راع المصلحه يرقى على المنبر خطيـب

كل المذاهـب يحسـن الخطبـه علـى ملاتهـا

يجيك وجهه وجـه طفـل ونيتـه نيـات ذيـب

وأنا أجهل إللي بالنفـوس ويـش هـي نياتهـا

لكـن نظراتـي بهـم يانجـم دايـم ماتخيـب

أفواههـم لاقلـت عـد الحـق طـال سكاتهـا

وراع النصيحه متعب نفسه ولا أحـد مستجيـب

والنـاس كـل يكرهـه وأزرى يلـم شتاتهـا

يانجم ياكثـر الـدروب إللـي تـودي ماتجيـب

يصعب على إللي يبتديهـا لـو بغـى رجعاتهـا

ياكثر خلان الرخـا يامعـدم الـراي المصيـب

ياقل من يوفـي العهـود ليـا قسـت شداتهـا

مشكوور اخوووي

ويعطيك العافيه

وكلام جميل يطرحه قلمك الراقي

الله يعطيك العافيهـ

مشكور المدير العام على المرور

مشكوووووووور وصح لسانك

صح بدنك ومشكور نبع الريحان على المرور

يعطيكم العافيه على المرور

صح لسانك ياغالي

صح بدنك


ومشكور على المرور

صح لسانك
على الابداع

يعطيكم العافيه على المرور

مشاء الله تبارك الله موضوع ولا احلى ياغالي

مشكور على المرور